«Türkmenistan» awiakompaniýasynyň» Russiýa Federasiýasyndaky baş agenti «Kazan — Aşgabat» ugry boýunça awiabiletleriň bahalarynyň arzanladylandygy barada habar berdi. Ýeňillikli nyrhlar şu ýylyň aprel we maý aýlaryna meýilleşdirilen gatnawlar üçindir.

Häzirki wagtda Kazan bilen Türkmenistanyň paýtagtynyň arasyndaky yzygiderli howa gatnawy hepdede bäş gezek amala aşyrylýar. Uçuşlar duşenbe, sişenbe, çarşenbe, şenbe we ýekşenbe günleri amala aşyrylýar.

Biletleriň bahasyny arzanlatmak baradaky çözgüt uçuşlary raýatlar üçin has elýeterli etmek maksady bilen kabul edildi. Şeýle hem bu çäre meşhur ugur boýunça ýolagçy akymyny artdyrmaga ýardam eder.

Ýolagçylar arzanladylan biletleri baş agentiň Russiýadaky resmi saýtyndan sargyt edip we satyn alyp bilerler. Mundan başga-da, biletler awiakompaniýanyň Moskwa, Sankt-Peterburg we Kazan şäherlerindäki satuw ofislerinde elýeterlidir.