Türkmenistanyň Döwlet migrasiýa gullugynyň başlygy Amanmuhammet Sazakow, 5-8-nji maý aralygynda Nýu-Yorkda BMG-nyň Baş Assambleýasynyň howandarlygynda geçýän migrasiýa syn bermek boýunça ikinji halkara forumynda ýurda wekilçilik etdi. Bu barada Türkmenistanyň Birleşen Milletler Guramasynyň ýanyndaky hemişelik wekilhanasynyň metbugat gullugy habar berdi.

Türkmen tarapy ýurduň ýolbaşçylary tarapyndan yzygiderli durmuşa geçirilýän köptaraplaýyn hyzmatdaşlyk, halkara raýdaşlyk we ynsanperwerlik ýörelgelerine gyşarnyksyz ygrarlydygyny tassyklady.

Türkmenistanyň öz maksatlaryny milli meýilnamalara, kanunçylyga we durnukly ösüş maksatnamalaryna goşmak bilen migrasiýa baradaky Bütindünýä Ylalaşygyň düzgünlerini yzygiderli ýerine ýetirýändigi aýratyn nygtaldy. Şu nukdaýnazardan, ýurtda şahsyýetiňi tassyklaýan resminama ulgamyny döwrebäplaşdyrmak boýunça alnyp barylýan işler aýratyn bellendi.

Türkmenistanyň Prezidentiniň häzirki zaman tehnologiýalarynyň, şol sanda emeli aň ulgamlarynyň çalt ösmeginiň fonunda deňlik we ynam ýörelgelerine esaslanýan Sanly integrasiýa boýunça Bütindünýä platformasyny döretmek baradaky başlangyjy bellendi.

Türkmen tarapy migrasiýa pudagyndaky halkara hyzmatdaşlygy has-da güýçlendirmäge taýýardygyny tassyklady.