19-njy iýulda Türkmenistanyň Daşary işler ministri Raşid Meredow Tunis Respublikasynyň Daşary işler, migrasiýa we daşary ýurtlardaky tunislileriň işleri boýunça ministri Mohamed Ali Nafti bilen telefon arkaly söhbetdeşlik geçirdi.

Ministrler türkmen-tunis gatnaşyklarynyň häzirki ýagdaýyny we ösüşiniň geljegini ara alyp maslahatlaşdylar.

Gepleşikleriň dowamynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň (LLDC 3) guramaçylyk meselelerine aýratyn üns berildi. Daşary işler ministrleri bu halkara forumyna görülýän taýýarlyklaryň amaly taraplaryny ara alyp maslahatlaşdylar.

Çeşme: Türkmenistanyň Daşary işler ministrligi