Daşary işler ministriniň orunbasary Ahmet Gurbanowyň ýolbaşçylygyndaky türkmen wekiliýeti Gyrgyzystanyň paýtagty Bişkek şäherinde geçirilen Merkezi Aziýa döwletleriniň we Ýewropa Bileleşiginiň ýörite wekilleriniň bäşinji duşuşygyna gatnaşdy.

Duşuşyga BMG-niň Baş sekretarynyň ýörite wekili, BMG-niň Owganystana kömek bermek boýunça missiýasynyň başlygy hem gatnaşdy. Duşuşykda gatnaşyjy ýurtlaryň hünärmenleri durmuş-ykdysady we ynsanperwer ugurlar boýunça häzirki ösüş ýagdaýy, şol sanda Owganystandaky howpsuzlyk pudagynda alnyp barylýan işler barada pikir alyşdylar.

Kataryň paýtagty Doha şäherinde meýilleşdirilýän çäräniň öňüsyrasynda geçirilýän duşuşykda Owganystanyň durmuş-ykdysady ösüşiniň geljegi ara alnyp maslahatlaşylýar.

Türkmenistanyň Daşary işler ministrliginiň habar bermegine görä, mejlisiň çäklerinde türkmen wekiliýetiniň ÝB-niň Merkezi Aziýa boýunça ýörite wekili Teri Hakala hem-de Owganystan boýunça ýörite wekili Tomas Niklasson bilen duşuşygy geçirildi.

Çeşme:Türkmenistanyň Ministrler Kabinetiniň ýanyndaky Ulag we kommunikasiýalar agentligi