Türkmenistanyň we Gazagystanyň himiýa pudagyndaky hyzmatdaşlygyny giňeltmegiň mümkinçilikleri hem-de onuň täze ugurlaryny ösdürmek ara alnyp maslahatlaşyldy.

Degişli meselä Aşgabatda “Türkmenhimiýa” döwlet konserniniň başlygy Resul Myradowyň Gazagystanyň Türkmenistandaky ilçisi Nurlan Nogaýew bilen geçiren duşuşygynyň dowamynda garaldy.

Duşuşygyň dowamynda taraplar hyzmatdaşlygy ösdürmek, tejribe alyşmak we özara haryt dolanyşygyny artdyrmak meselelerini hem maslahatlaşdylar.

Geçen ýylyň dokuz aýynda Türkmenistan bilen Gazagystanyň arasyndaky ikitaraplaýyn haryt dolanyşygy 363,6 million ABŞ dollaryna barabar boldy.

Çeşme: Gazagystanyň Türkmenistandaky ilçihanasy