Aşgabatda 22-nji ýanwarda BMG-niň Azyk we oba hojalyk guramasynyň (FAO) goldawy bilen guraljak «Üýtgeýän howa şertlerinde saglyk we iýmitleniş» atly halkara maslahat geçiriler.

Forum sebitiň oba hojalyk ulgamlaryny barha artýan howa töwekgelçiliklerinden goramaga ukyply çözgütleri gözlemek üçin öňdebaryjy hünärmenleri we syýasatçylary bir ýere jemlär.

Maslahatyň esasy mowzugy «Bitewi saglyk» (One Health) atly innowasion konsepsiýa bolar. Bu toplumlaýyn çemeleşme adamlaryň, haýwanlaryň, ösümlikleriň we tutuş daşky gurşawyň abadanlygyna bölünmez bir bitewülik hökmünde garaýar.

Foruma gatnaşyjylar adamyň ýokary hilli iýmit we energiýa bolan barha artýan isleglerini ekoulgamlary gorap saklamak we bütindünýä howanyň gyzmagyna garşy göreşmek zerurlygy bilen nähili utgaşdyrmalydygyny seljererler. Ekstremal howa şertlerinde-de netijeliligini ýitirmejek durnukly azyk üpjünçilik zynjyrlaryny döretmäge aýratyn üns berler.

Çeşme: Türkmenistanyň Halkara habarlar merkezi