Türk­me­nis­ta­nyň Mej­li­si­niň Baş­ly­gy Dünýägözel Gulmanowa 7-nji ýanwarda welaýatlarda täze döredilen etraplarda halk maslahatlarynyň agzalaryny hem-de Türkmenistanyň Mejlisiniň möhletinden öň çykyp giden deputatlarynyň we welaýat, etrap, şäher halk maslahatlarynyň hem-de Geňeşleriň çykyp giden agzalarynyň ýerine saýlawlary bellemek hakynda Mejlisiň kararyna gol çekdi.

Resminama laýyklykda, Ahal welaýatynyň Altyn Asyr etrabynyň, Daşoguz welaýatynyň Garaşsyzlyk, Gubadag etraplarynyň, Lebap welaýatynyň Döwletli, Farap, Garabekewül etraplarynyň, Mary welaýatynyň Oguz han etrabynyň halk maslahatlarynyň agzalarynyň, Le­bap we­la­ýa­ty­nyň 74-nji «Amy­der­ýa», 79-njy «Dar­ga­na­ta», Ma­ry we­la­ýa­ty­nyň 104-nji «Pe­şa­na­ly» we 106-njy «We­kil» saý­law ok­rug­la­ry bo­ýun­ça Türkmenistanyň Mejlisiniň deputatlarynyň möhletinden öň çykyp gidendikleri bilen baglylykda, şol saýlaw okruglary boýunça Türkmenistanyň Mejlisiniň deputatlarynyň we welaýat, etrap, şäher halk maslahatlarynyň hem-de Geňeşleriň çykyp giden agzalarynyň ýerine saýlawlary 2026-njy ýylyň 29-njy martynda, ýekşenbe güni geçirmek bellenildi.

Çeşme: "Türkmenistan: Altyn asyr" elektron gazeti