Gyş paslynyň ilkinji günlerinde Türkmenistan ýylyň iň möhüm we dabaraly pursatlaryna gadam basýar. Şu günler ýurdumyzda döwlet ähmiýetli goşa baýramyň — Halkara Bitaraplyk gününiň hem-de ýetip gelýän Täze ýylyň şowhuny, halkyň ruhubelentligi aýdyň duýulýar.

12-nji dekabrda bellenilýän Bitaraplyk baýramy mynasybetli paýtagtymyz Aşgabatda we welaýatlarda giň gerimli taýýarlyk işleri alnyp barylýar. Ýurdumyzyň jemgyýetçilik-syýasy durmuşynda wajyp orun tutýan bu sene bilen baglanyşykly, paýtagtda ýokary derejeli halkara maslahatlaryň, ylmy-amaly konferensiýalaryň we sergileriň geçirilmegi dowam edýär.

Çeşme: Türkmenistanyň halkara habarlar merkezi