16.09.2025 ý.
Aşgabat
13:50
UTC 08:50
Halkara Parahatçylyk we Ynanyşmak Ýyly
Türkmenistanyň Daşary işler ministri Raşid Meredow 14 sentýabrda Doha iş sapary bilen geldi. Ol Arap döwletleriniň Ligasynyň hem-de Yslam hyzmatdaşlyk guramasynyň Daşary işler ministrleriniň nobatdan daşary maslahatyna we adatdan daşary arap-yslam sammitine gatnaşar.
Saparyň çäklerinde Raşid Meredow Kataryň Premýer-ministri we Daşary işler ministri Şeýh Mohammed bin Abdulrahman Al Tani bilen duşuşdy.
Taraplar syýasy, söwda-ykdysady we medeni-ynsanperwer ugurlarda ikitaraplaýyn hyzmatdaşlygyň möhüm meselelerini ara alyp maslahatlaşdylar.
