Ministrler Kabinetiniň sanly ulgam arkaly geçirilen mejlisinde Türkmenistanyň Prezidenti Serdar Berdimuhamedow ýurtda pagta ýygymy möwsüminiň 10-njy sentýabrda başlajakdygyny habar berdi. Bu barada TDH döwlet agentligi habar berdi.

Döwlet Baştutany oba hojalygynda jogapkärli we möhüm döwrüň gelip ýetendigini belläp, ähli welaýatlarda pagta ýygymyna başlamak üçin ak pata berdi. Ol asylly däbe görä, pagta ýygymyna başlamak baradaky haýyş bilen hormatly ýaşululara ýüzlendi. Serdar Berdimuhamedow pagtaçylara we ýurduň oba hojalyk toplumynyň ähli zähmetkeşlerine işlerinde uly üstünlikleri arzuw etdi.

Türkmenistanyň Prezidenti geljek ýylyň hasyly üçin bugdaýyň güýzlük suwaryşyny ýokary hilli tohumlar bilen ýerine ýetirmegi we oba hojalyk pudagynyň tehnikalar parkyny netijeli ulanmagy tabşyrdy.

Çeşme: Türkmenistanyň Döwlet habarlar agentligi